|
Það veldur því að meiri möguleiki er að ná góðum myndum innan ákveðins tíma. Endurkomutími SPOT-gervihnattana er yfirleitt 27 dagar. Með því að forrita hann er mögulegt að láta hann ná mynd, á okkar breiddargráðu, u.þ.b. 3. hvern dag. Gervihnettirnir frá SPOT skanna landsvæði sem er 60x60km þ.e.a.s. 3600 km2. Myndirnar sjálfar sýna einungis u.þ.b. 12 x 9km – eða 108km2. Þær sýna því einungis lítinn hluta þess svæðis sem gervihnötturinn "sér". Einn aðalkostur gervihnattagagna er að þau gefa yfirlit yfir svo stórt landsvæði. Gagnaskráningin fer í gegnum skynjara í gervihnettinum en hann mælir í mismunandi rásum (kanölum) endurkastaða geisla af bylgjulengd sýnilegs- og innrauðs ljóss. Minnsta eining sem er skráð (myndeining) er 10x10m landsvæði á pankrómatískan hátt (svart/hvítt) og 20m með fjöllitrófs-aðferð (farger+IR). Þetta þýðir að hver mynd inniheldur 480 000 myndeiningar og er hver þeirra skráð með 3 mismunandi mæligildum sem koma fram í litum RGB (rauðu, grænu og bláu). Upplýsingunum er varpað til móttökustöðva á jörðu niðri s.s. í Kíruna í Norður-Svíþjóð.
Myndvinnsla SPOT-mynda af Nordre Øyern
Eftir að gögnin hafa verið leiðrétt og staðfærð út frá GIS-staðsetningakerfinu ganga þau í gegnum umfangsmikla tölvuunna myndvinnslu. Gögnin frá Nordre Øyern eru unnin hjá Landmælingum Noregs í Arendal. Grænt, rautt og innrautt ljós er slegið saman við svartt/hvítt og kóðað. Þannig má fá fram mismun sem rekja má til mismunandi gróðurs og landnýtingar. Innrauð geislun er sérlega mikilvæg þar sem gróður hefur hvað mesta breidd í endurköstuðu ljósi af þessari bylgjulengd, en hún er einmitt ósýnileg fyrir okkur. Sá hluti gervihnattamyndanna sem er nýttur er litkóðaður með litum sem einfalda okkur að fá yfirsýn yfir megindrætti landslagsins. Þessvegna eru einmitt aðallega notaðir náttúrulegir litir.
Almennt um túlkun gervihnattamynda
Gervihnattamyndir gefa okkur í fyrsta lagi yfirsýn yfir skiptingu landssvæðis. Þar má sjá hvar er skógur, fjalllendi, ræktað land og hvar maðurinn hefur haft afskipti af náttúrunni s.s. með íbúðabyggð. Myndirnar bjóða einnig upp á möguleika fyrir sértækar upplýsingar hvað varðar jarðfræði, flóru og fánu og ekki hvað síst margvísleg áhrif mannsins á náttúruna. Besta aðferðin við að lesa gervihnattamynd er að nýta staðfræðiþekkingu sína og reynslu í sambland við liti og mynstur myndarinnar. Ef maður þekkir ekki staðinn sem gervihnattamyndin er af, borgar sig að skoða landakort af staðnum til að glöggva sig á staðháttum.
| 
