|
| Kommúnan Fet |
|
Óshólminn nær einungis fáeina metra uppfyrir yfirborð Øyern. Leifar af gömlum óshólmum sjást sem stallar lengra uppi í landinu í átt að Fetsund (norður af gervihnattamyndinni sem sýnd er í innganginum).
Það getur verið gott að staðsetja sig betur með hjálp landakorts.
Auk setlaganna sem einkenna óshólmann, til hliðar við stöðuvatnið, er láglendið þakið fínkorna sjávarseti. Það er silt og leir sem sýnir að sjór hefur einhvern tíma náð 200 m yfir núverandi sjávarmáli. Þar fyrir ofan (í átt að Østmarka) landið ýmist þakið jökulruðningi eða bergið er bert. Sjávarsetið er að mestu leyti ræktað og jökulruðningurinn einkennist af barrskógi. Mörkin þar á milli sjást greinilega á vinstri hluta myndarinnar. Einnig má sjá að sá hluti óshólmans sem sjaldnast verður fyrir flóði er ræktaður. Stærsti hluti hans er aftur gróskumikill laufskógagróður, mýrarsvæði og engi. Þegar vatnsyfirborðið er mjög lágt sjást stórir sandflákar; leirur. Óshólminn í Nordre Øyern er í dag friðland. Það er sérlega mikilvægt vegna fuglalífs og er á lista yfir mýrar sem eru mikilvægar í alþjóðlegu samhengi (RAMSAR-svæði). Ramsar-sáttmálinn tók gildi 1974 og var staðfestur í Noregi 1975. Markmiðið með sáttmálanum er að vernda mýrarsvæði almennt og þá sérstaklega sem heimkynni vaðfugla. Íbúabyggðin á Nordre Øyern-svæðinu er aðallega sveitabæir sem staðsettir eru á sjávarsetinu. Ennfremur má sjá tilhneigingu til íbúðabyggðar meðfram vegunum t.d. inn í óshólmann úr norðri. Á þeim svæðum óshólmans sem flóð eru algeng finnast eingöngu stöku útihús.
| 
