|
| Gervihnattamynd af Evrópu 21.06.01 |
|
Um borð í gervihnöttum eru tæki sem mæla bæði geislun frá jörðu og andrúmsloftinu en á mismunandi bylgjusviði. Starfsmenn veðurstofa nýta bæði myndir sem eru teknar á innrauða- og sýnilega bylgjusviðinu.Þessar gervihnattamyndir gefa viðbótarupplýsingar um loftmassa, skil, hæðir og lægðir. Myndirnar eru mikilvægar óháð því hvaða landsvæði verið er að athuga. Mikilvægastar eru þær þó þar sem lítið er um veðurathugunarstöðvar og þá helst á hafsvæðunum.
Gervihnattamyndir og veðurfyrirbrigði
|
| NOAA AVHRR mynd af óveðrinu sem skall á Vestur-Noreg nýársdag 1992 (TSS) |
|
Gervihnattamyndir nýtast vel við að staðsetja veðurfyrirbrigði á smáum skala s.s. skúraský, meginskila-lægðir ofl. Þetta eru fyrirbrigði sem hafa litla lárétta útbreiðslu þannig að veðurstöðvanetið missir oft á tíðum af þeim. Sérstaklega er það mikilvægt að fá góða yfirsýn yfir myndun lægða á meginskilunum, en þær geta skyndilega valdið auknum vindstyrk og bylgjuhæð samfara mikillri úrkomu. Þær myndast helst yfir vetrarmánuðina á hærri breiddargráðum og geta verið hættulegar minni skipum. Ísing getur snögglega myndast, bæði vegna sjávarlöðurs en einnig vegna úrkomu. Mörg skipbrot hafa orðið vegna mikillrar ísmyndunar á skipum. Það er því mikilvægt fyrir Veðurstofuna að fá upplýsingar um þannig veðurfyrirbrigði þannig að hægt sé að grípa til viðeigandi ráðstafana. Með hjálp gervihnattamynda var mögulegt að fylgjast með þróun óveðursins sem skall á Vestur-Noregi nýársdaginn 1992. Lægðarmiðjan sést sem miðjan í skýjastróknum. Hitastigið var 20°C heitara sunnan skilanna en norðan. Heitu skýin sjást sem gul svæði á myndinni. Í þessu stórviðri mældist vindhraðinn mest 190 km/klst. Hann var ómælanlegur þar sem vinmælar norsku Veðurstofunnar DNMI mæla mest 170 km/klst. Gervihnattamyndin af stórviðrinu er samsett úr rásum 5, 4 og 3. Innrauðar hitamyndir NOAA-AVHRR nýtast til að rannsaka skýjamyndanir á næturnar, þar sem hinir köldu skýjatoppar aðgreinast auðveldlega frá yfirborði jarðar. Þessar myndir eru einnig notaðar til að reikna út hitastig skýjanna, en það er mikilvægur þáttur við flokkun skýja. Upplýsingar frá gervihnöttum gefa veðurfræðingum einnig möguleika á að ákvarða snjó- og ísmörk á landi og á legi, auk yfirborðshita sjávar. Þetta eru upplýsingar sem mynda hluta af því gagnasafni sem notað er við módelútreikninga á veðurhorfum.
| 
