|
| NOAA-veðurtunglamynd af storminum sem gekk yfir Vestur-Noreg 3. janúar 2000 (TSS). |
|
Í þjóðfélaginu eru margir þættir háðir veðri og öruggum veðurspám. Sem dæmi má nefna flug- og skipaferðir, fiskveiðar og landbúnað. Eins og allir vita getur veðrið orðið mjög hættulegt. Í miklum stormum úti á hafi, við strendur landsins eða uppi á fjöllum getur veðrið ekki einungis orðið stórkostlega eyðileggjandi afl heldur hreint og beint lífshættulegt.Einn janúarmorgun árið 1883 fóru fiskimenn frá Lofoten-eyjum til veiða. Þeir vissu ekki að mjög djúp lægð var að myndast sem valda myndi sterkum stormi. Þessi skortur á upplýsingum olli því að 119 sjómenn drukknuðu. Á þessum tímum urðu sjómenn að treysta á reynslu og þekkingu á veðurfyrirbrigðum sem lærst höfði kynslóð fram af kynslóð. Í dag hafa veðurfræðingar miklu betri möguleika á að spá fyrir um veður. Upplýsingar frá þúsundum veðurathugunarstaða eru unnar í risastórum tölvum. Þær koma frá veðurathugunarstöðum á landi, frá skipum og olíuborpöllum á sjó, frá loftbelgjum í andrúmsloftinu og frá gervihnöttum. Í veðurfréttum í Noregi er oft sagt: "Djúp lægð er að myndast við Ísland og hreyfist hún í átt að vesturströnd Noregs". Þetta eru klassísk veðurskilyrði í Noregi. Þeim er nánar gerð skil í köflunum: Bakgrunnur og Verkefni. Að auki má fá viðbótarupplýsingar í bókum eins og Veðurfræði eftir Markús Á Einarsson, Veður- og haffræði eftir Eggert Lárusson og Hvernig viðrar? eftir Markús Á Einarsson.
| 
